NAUPÂI LAI PAWNGSUAL

626

NAUPÂI LAI PAWNGSUAL

                Kum 2014 kum tâwp lam a ni a, mahni hna leh buaina ṭheuh chuan kum tâwp min thlenpui lek lek tawh a, kum tâwp a pasal nei mai tûr ka nih avâng chuan kum tàwp December lo thlen chu ka nghâkhlel hle mai a….

                Kum 24 mi ka ni a, tleirâwl aṭanga nulat ka hre chho ṭan tih chuan, ka hmangaih leh duh êm êm mai Ricky-a chuan inneih tûra ka inpeih leh peih loh thu min hrilh thut mai a, kei chuan lawm tak chung si leh rilru hamhaih tak chung chuan ka mit leh a mit chu reife khaw dang hawi lovin kan in en reng a, Ricky-a hi thingtlang a sawrkar hna thawka awm a nih avângin chawlh hmang leh ṭûl danga a rawn haw kan inhmu ṭhin tih loh chu kan in hmu tam lo hle a, tun ṭumah pawh hian office thil pawimawh tak buaipui paha rawn hawng leh a hna ṭûl a zawh huna thingtlang a hnathawhna lama kir leh mai tûr a nih avângin rilru siam thiam har ka ti hle mai a, high school kan kal laia ngawihzawng pakhat ka neih bâk kha chu Ricky-a ka tawn aṭang chuan tu mipa dang mah hi ka hnai ngailo rêng rêng a, mahse kan inhmuh khât ṭhin êm avâng hian chanchin achhia aṭha zawng zawng pawh kan inhrilh tawn vek thei kher lo ṭhin, nakin lawkah chuan pasal chu kala nei ve ngei dawn a ni tih leh Ricky-a nên pawh lo inṭhenin mipa dang pawh lo ngaizawng dawn pawh ni ila, a ni tluka mipa rinawm leh ka chunga ṭha tûr hi ka hmu ngût dawn emaw’n le tih thlengin ka inngaihtuah nui vun vun a, kei chuan ka chhungte ka rawn anga an phal chuan kei chuan ka remti ang ti chungin kan inthlah ta rih a.

                December thla kan chuangkai ta a, ka chhungte remtih ang ngei chuan Ricky-a nên chuan kan innei ta a, hun a lo kal zêl a, nupa nihna leh tawn ngai loh thil thar zir tûr ka nih avâng chuan engkim ka tih chu phûr tak leh nuam ti tak hian kan ri chho ve râwih râwih zel a. Inneih hun chhung atana chawlh hun a lo tâwp a, a hnathawhna lam thingtlang khaw lian lo tak maiah chuan kan nupa leh ka nutei te nupa nên thingtlang lam pan chuan kal kal a,m ka nutei te nupa hian min ngaiin kan pa Ricky-a nên pawh kan inngaihzawn lai aṭanga innél tawh an nih avâng chuan kar khar vêl min chàmpui tûr leh kan pa hnathawhna hmun min hmuhpui paha hawi thawven ve hrim hrim an châk avâng chuan kan hlim tláng hle a, a awmna hmun chu reife kan kal ta maw tih chuan kan thleng ve thei hram a, kawng a chhe bawk nen motor ka chuang rui deuh nên ka chau hle nghe nghe, kar khat a liam hnu chuan ka nutei te pawh an haw leh tawh a, nilengin in ka nghâk a, a ṭul ang ang te inlamah ka lo ti ve a, he khuaah hian kan pa hi a rûk takin an lo huphurh hle a lo ni a, a chhan chu he khuaah hian police lam mi rêng rêng chu an tham ṭhin a, chu chu kan pa chiah hi an hmin theih loh anih vang a ni. Ruihhlo tawlh rûkna kalkawng pawimawh tak hi a lo ni a, khaw mipuite an ṭangrual bawk nen ruihtheih thil chu kar lovah a hluar hle a ni tih ka hre nghâl mai a, an nunphung a mâwlin tual thih leh chin hriat loha bo an awm zeuh zeuh bawk a.

                Nau ka pài aṭangin thla 5 aliam tawh a, raino hrehawmna la reh tak tak chiah si loh eng tih mah hi a nuam lo a, zankhat kan pa rawn haw chuan hna avângin kar khat chhung zin tûrin an pu te lamin an lo ti pek a, midang hnawn an tum ngial ṭhin a, mahse a ni lo chu case pawimawh khawih tûrin an ring ngam bawk si lo, tih ngaihna awm tawh lo nên min zin san tûr chu a hreh ve hle a, hemi zan phei hi chuan mut pawh a tui thei lo, keilah nau pài vawikhatna ka nih avâng chuan ka lana ang reng khawp mai a, mahse kar khat chhung chauh chu a ral ve mai ang ti chung chuan ka inti nuchang lui ve a, tichuan a tûk zingah chuan min chhuah san ta a. Kan pa a zin zàn chuan ka pum a nuam lo zui ve leh nghal a, damdawi leina hmun a hlat deuh avâng chuan mahni chuan ka kal ngam mai lo va, ka damdawi kawlsa aṭang chuan a nachhâwkna lam chi awm ang chu ka ei ve mai a, a hnu rei vak lovah chuan a dam chhunzawm ve leh mai a.

                Zanriah eikham hnu rei vak lovah chuan zan danga kan pa ṭhian ṭha te thingpui inpaha an rawn dâk zawk ṭhin ang ni tûra ka ngaih laiin hmel dangdaih mai hi mi pali ka la hmuh ngai hauh loh chu an rawn lût a, an ṭawngkam aṭang chuan mikhual satliah an ni lo tih ka hre nghal mai a, hlauhthâwnna ka nei zui nghal a, an zinga pakhat chuan kan pa awmna min zâwt nawn sek a, thudik ka sawi chuan ka chungah engnge thleng tûr ka hre bawk si lo, ṭhenawmte inah aleng ka ti ringawt a, an ni chuan phone haw tûrin min ti a, kan pa phone ka tum lai tak chuan ka tukkhum hi a hai chhawlh mai a, leiah ka tlu hnawk bawk a, an zinga mi chuan enga tinge dâwt min hrilh tihpah chuan ka hrawkah chuan min rêk bet tlat a, case pawimawh ti tûra kan pa zinna kha anni case hi a lo ni a, kei lah chuan engmah ka hriatpui ve si lo va, anni lah chuan thup angah min ngaiin min dâwp nghâl mawlh mawlh a, engmah sawi tûr ka hriat loh avâng chuan anni pawh chuan tih zui ngaihna min hre lo va, kan pa chu phone leh tûrin min ti a, mahse ka phone tlang thei bawk si lo, a cháng chuan an inhrilhrû leh su su ṭhin a, zawhna chi hrang hrang min zâwt a, kei chuan dik takin kan pa nêna kan inneihna pawh a la reiloh thu thlengin ka sawi zêl a, a hnu chuan ka phone tlang theih hma chu an chhuah dawn loh tûr thu min hrilh a.

                Rei vak lovah chuan kan pa zâwk chuan min rawn phone hlauh mai a, an zinga pakhat chuan rang tak mai hian ka phone chu min phih thl6ak sak nawk a, kan pa nên chuan an inbe mawlh mawlh a, an vin tuar tuar mai bawk nên ka nunna atán a hlauhawm dawn tih ka hrethiam nghal mai a, phone chu min rawn pe a kan pa nên chuan min inbiaktir am kan pa chuan, “Hlauthawng rêng rêng suh tûnah hian police nangmah rawn chhanchhuak tûr ka rawn tir nghal dawn nia…” a dang a sawi zawh hma in phone chu min chhuhsak lehnghal a, an inbiakna chuan an thinrim a tizual emaw tih mai tûrin an ṭhian midang te chu an phone ve reng bawk a, raipuar ka nih avângin ka tukkhuma min chhutna bâk kha chu min khawih chhunzawm lem lo.

                Hmanhmawh takin pawnah min kai chhuak a, kawngpui pengṭhuamah min din tir a, a hnu rei vak lovah chuan police motor ri an hriat veleh chuan hmanhmawh takin min tlànpui a, hla vak lovah hian motor pahnih a lo ding a, pakhat zâwk ah chuan min nam lût a, motor chhungah chuan silai leh hriamhrei hi a let phung mai a, hmanhmawh takin min tlanpui nghal dawr dawr a, khua aṭanga hla vak lovah chuan motor pakhat zâwk chu a ding a, keini chu kan tlan tlang leh a, in pakhat thlám ram deuh tawh ah hian min awmtir a, phone leh inbiakpawhna hmanrua te an leklam êm êm bawk a, pindan pakhat zau ṭha tak maiah hian min awmtir a.

                Anni lah chuan min ngaihsak lemlo chuan an duh tihhlawhtlin nân chuan ka chungah engpawh pawisak an nei dawn lo tih chu an chezia aṭang chuan ka hre thei a, mi pahnih hi ka bul hnaiah hian an rawn ṭhu a, pakhat zâwk chuan tûna in pa case khawihlai hi naktûkah chinfel tûr a ni a, khawih chhunzawm lo va a rawn haw chuan i zalen ang a, a nih loh chuan i zalen lovang min ti a, kei lah chuan sawi tûr ka hre lo chu khawingaih takin min chhuah tir hram rawh u ka ti mawlh mawlh a, pakhat zâwk lah chuan zahmawh tak tak hian min ṭawng khum bawrh bawrh bawk a, a chang leh ka awm bawr chu arawn nam dawt dawt a, a hnuah phei chuan ka taksaah ṭuan a tum ta a, theih ang anga inchhan ka tum ve bawk a, a hnuah chuan bula mi pahnih chuan min man bet a, min pawngsual ta a, ka thâw a hahin ka pum a na nên ka thi mai dawn niin ka inrhia a, hemi hnu lawk hian police an lo thleng zui ve nghal a, an zinga pakhat erawh a tlán chhe hman a, midang pahnih chu an rawn man nghal a, damdawiin hnai berah min tlanpui nghal a, police lamin kan pa chu an hrilh hre va nghal bawk a, a tûk chawhnu lam deuhah chuan kan pa chu a lo thleng ve nghal a, thil awmdan leh ka chanchin chu ka hrilh vek a, mittui nên lungchhiatna vawrtàwp chu kan chungah a lo thleng ta a ni.

                Vanduaina a kal tluang hle a, ka naupài chu ka chhiat hlauh bawk a, hetiang thil kan tawh rapthlâk tak avâng hian kan pa pawh chu hmunpui lam leh him zâwkah chuan an transfer nghal a, misual ka chunga pawikhawihtute chu man an nih bâkah khaihlum an ni bawk a, khami khaw ṭawp tak pawh kha a khaw mipuite zawng zawng hnawhchhuah an ni a, chênna In ding zawng zawng pawh tihchhiat a hàl ral vek a ni nghe nghe. https://ekhai.com

                Kum a lo vei a, natna rûk eng eng emawin min tlâk buak ve reng bawk a, doctor phei chuan kum 2 ral hma chu nau pài lo turin min ti nghe nghe a, rilru buaina lian ka tawh palh hlauin enge maw hlekah damdawi leh rilru lam thiam bik te kan rawn ve reng a, tawhsual ka tawh hlim phei kha chuan mahni pawh intihhlum ka lo tum fo ṭhin a, mahse Ricky-a hian min hmangaih êm avângin ka nunah nitin chakna thar min pe tûrin ke pên dàn min zirtir ṭhin a, harsatna ka tawhin ama chunga thil thleng ang maiin min hnem dan a hria a, thinhrikna leh endawngna tel miah lo maia hmangaih taka min kuangkuah avângin dam khawchhuak leh theiin ka awm phah ta a ni.

Luangliam magazine

Comments