MIFING THU LEH AN THURIL SAWITE – PART 3

246

MIFING THU LEH AN THURIL SAWITE – PART 3

I kalkawngah harsatna a awm a nih chuan i tum ram ni lovin i panna kawng thlâk ang che.

I tih loh tawp tur thil chu a tuka tihah khêk zel rawh.

Intluktlanna thurin ṭhat lohna ber chu kan aia chungnung zawkte a hman kan duhna hi a ni.          – Henry Baque.

Indo tireh tura indona chu silai hmanga indo a ni tawh lovang.

Inṭhianna dik chu thil ṭo ṭhang muang tak chu a ni.            – George Washington.

Intluktlanna hi mi tin chanvo, leilung an rawn rah aṭanga an neih chu a ni a; chutiang bawkin lei hnuaia dah an nih pawhin an la chhawm zel a ni.          – Enclos.

Inneihna rethei emaw invuina hausa emaw a awm lo a ni.            – Spanish Thufing.

I thiltih theihzia khawvel hrilh lovin entir zâwk rawh.

I duh zawng tak chu ti la, rah a chhuah dawn tih hria ang che.

I thil hriat loh chu hre lo ngam la, zahna i pumpelh fo ang.

Inremsiam tawnna tel lova thiltih hlawhtlin chu tlem tê a ni.

I thiltih tê ber berah pawh i thinlung, rilru leh ngaihtuahna, finna pe la, chu chu hlawhtlinna thurûk a ni. – Swami Sivananda.

I hriselna a ṭhat loh chuan sawi sawi suh.

I ke a tawlhthlûk chuan lei rualrem i rap leh mai thei a; amaherawhchu i lei a tawlhthlûk chuan i thusawi i kokir thei tawh lo a ni.

Intluktlanna tak tak chu thlanmualah a ni a awm ni.

I awm ve loh avanga engmah a danglam chuan loh chuan i awm ve pawhin a danglam chuan lovang.

I hausak avangin i zahawm lo. I hriatna avangin i zahawm zawk.

Intodelh turin sum lak luh tam aiin lak luhsa hman thiam a pawimawh zâwk.

I tana hlauhawm ber chu nangma cho chhuah a ni fo ṭhin.

I mize dik tak chu hmun ralṭiah phawrh a ni ang.

I thil sawi chu miten an awih lo mai thei; i thiltih erawh chu an awih ang.

I hnaah hlim tum rawh; chuti lo chu hlimna i hre fiah ngai lovang.               – Elbert Hubbard.

I thil hriat leh zirte reng reng lehkabu aṭang chauhva hria leh zir i nih chuan a tam zâwkah i dik lo fo ang. – Labanese Thufing.

I nem lutuk chuan hmeh perh i ni ang a; i khauh lutuk chuan tih tliah i ni ang.        – Arab Thufing.

I duhzawng i hmuh theih loh chuan i hmuh theih chu duh mai rawh.        – Labanese Thufing.

Inngaihtlawmna hi thil mak tak chu a ni;  neia i inhriat veleh i hlauh chu a ni leh si.

I lak luh aia tlem hmang al, tichuan, lei i ba ngai dawn lo nia.         – Yiddish Thufing.

I hlim ngei ngeina tur chu mi tu emaw i tih hlim hian a ni.

I bula mi rêl ṭhin chuan nang pawh a rêl ve ang che.         – Algerian Thufing.

I taksa hi ngaithla rawh, kawng hrang hrangin thu a sawi reng a ni – taksa na chi hrang hrang aṭangte leh pianpuia thil awmze hriatthiamna mai aṭangtein.

I hlawhtlinna aiin eng ang mi nge i nih chhoh zel tih hi a pawimawh zâwk a ni.

I thusawi tur chu i ngawih aia ṭha ni rawh se; a nih dawn loh chuan ngawih chuh zâwk rawh.         – Dipnysus.

I thilphal dawn chuan i dik hmasa tur a ni.

I aia ṭha zâwkte bulah ngampa lutuk suh.

I tum chuang i thei mai thei; i tum loh chuan i thei hauh lovang.

I thil tum hlawhchham tirtu che kha haw suh, mi dang ni lovin nangmah i ni miau va.

I chet fuh loh nite chhinchhiah rawh, chu aia darthlalang ṭha i nei lo a nia.

Insum theih hi engmahin a haw lo ve.     – Lalkherha.

Itsika awm chu khawngaiha awm ai chuan a ṭha zâwk.

I nupui tur chu i mita thlang lovin i bengin thlang zâwk rawh.

I theih ang zawng zawng chuan ti suh la, i neih zawng zawng khawhral lo la, mi sawi zawng zawng ring lo la, i hriat zawng zawng chu sawi bawk suh.

Itsikna chuan midang a kap a, amah leh amah a inhliam a ni.

Infiamnaah leh zinaah mi an hriat a ni.

I kum a lo tam chuan i thlan pawh a hnai a ni.

Indona hi a la tuar ve lo tan chuan a nuam a ni.

I neih loh chu i hloh thei lo.

I hausakna tak tak chu i thil neih aṭanga teh theih a ni lo; i nihna aṭang zâwkin a ni.

Kan nun chhan tur ber hi kan nunna atana hmanrua mai zawk te hian kan thlâk ang tih a hlauhawm a ni.                 – Martin Luther King.

Kan nunah hian thil pahnih tinzawn tur a awm a; pakhatna chu kan thil duhte hmuha chumi hnua nuam tia chen chu a ni. Mifing ber berte chauhin a hnuhnung hi an tawng a ni.   – Logan Pearsall Smith.

Kan duhzawng thil neih hi hausakna chu a ni ngei mai; amaherawhchu a lova awm theihna chu thiltihtheihna a ni.

Khawvela thil ṭha ber chu mawl hi a ni a; a dawttu chu inngaihtlawm a ni.               – G.K. Chesterton.

Kan nuna thil pawimawh ber ber te chu rilru thatho neih leh kan hnaa tuina neih hi a ni.                 – Harvey Day.

Kan thiltih, a chhia emaw a ṭha emaw te hian, kan hlimthla ang hian min zui reng a ni.      – Buddha.

Kum hian amah ngawtah hlutna a nei lo; ngaihtuahna hman leh inthununna tel lo chuan..             – James Truslow Adams.

Kan thil châk pakhat kan thununa kan hneh hian kan thil châk sangkhat kan tihlawhtlin aiin lawmna a nasa zâwk a ni.        – Buddha.

Kum 18 kan nih chuan kan thurin nghet neihte chu tlang chunga chuanga hawi kual vel nan kan hmang a; kum 45 kan lo nih erawh chuan pûk a chhunga kan bihrûkna chu a ni.          – F.Scott Fitzerald.

Kan finna hi a taka thil kan tawn aṭanga kan dawn a ni a; a taka kan dawn chu kan âtna aṭanga lo awm a ni.            – Sacha Guitry.

Khawvel hlim nuihna chuan inhnit hlawp hlawpna a keng tel a; a nawmna te chu a lo chuaiin ninna mai lo chu hnutchhiah a nei lo a ni. 

Kan nuna hlawhtlinna nasa ber ber kan hmuhna chu thil mawl leh satliaha kan ngaih hmannaah a ni fo. Chung chu he thil pahnihah hian a khaikhawm theih awm e – remhriatna leh beidawn lohnaah te hian..                      – Feltham.

Khawvela thu ngilnei ber chu thu ngilnei lo sawichhuah loh chu a ni.

Kan hriselna atan damdawi hi a buka bukin leh a teha tehin kan ei a ni a; chutiang bawkin chaw pawh hi kan ei tur a ni.    – Skelton.

Kum khat atana ruahmanna i siam chuan buh phun la; kum sawm atan a nih chuan thing phun la; kum za atan a nih chuan mihring phun ang che.   – China Thufing.

Kan thil neiha lungawi chu a ṭha e; kan nihnaah erawh chuan kan lungawi ngai tur a ni lo.               – Mackintosh.

Khawvel tidamtu nih hi a tinatu nih aiin kan tum vek tur a ni.

Khawvel hi dik lo ta veka i hriat chuan nangmah ang mihring hi a chhunga chêngte an ni tih hre reng ang che.

Kan thil neih ni lovin kan nihna zâwk hian nun hi a tihlu a ni.

Kan lungngaihna tam zâwk hi chu Pathian theihnghilhna avanga lo awm a ni.

Kan sualte hi kan hlimthla ang hian ni Ní a tlángsàn lai chuan a lang meuh lova; tlai lam a lo hnaih erawh chuan a lo lianin an tungsawl zoh zoh tawh mai a ni.                – Suckling.

Khawvelah hian mi tin mamawh phuhrukna tur a awm tawk laiin mi tin duhamna phuhru tur erawh chu a awm lo a ni.

Kan lehkha zirna bawlhlo man lo sang ta leh chumi avanga lehkhazir lo harsa ta leh hlawhtlinna hmuh harsa ta hi chu pawisa ip lei nana pawisa neih zawng zawng hman ang a ni.        – Tagore.

Khawvel hi ring ngai suh, a thutiam a hlen ngai loh avangin.          – Augustine.

Kan nuna thil engmah hi hlauh tur a ni lova, hriat chian zawk tur a ni.        – Marie Curie.

Kan nuna hlawhtlinna hi thil thiam bik vang emaw remchanna hmuh bik vang emaw ni lovin rilru zawng zawng hmanna leh beidawng lova beihzui rengnaah hian a awm zawk a ni. – C.M. Wendte.

Kan theih ang tawka ṭhaa thil kan tih hian keimahni nunah emaw midang nunah emawa thil mak lo thleng hi kan hre phak lo a ni.        – Helen Keller.

Keimahni min buantu chuan kan hriatna thazam a tichakin kan thiamna a ti hriam a ni. Kan hmelma chu min puitu a ni.    – Edmund Burke. 

Ka manganna leh ka buainaah te reng reng Bible hian êng leh chakna mi pêk a la ṭhulh ngai lo a ni.             – Robert E. Lee.

Ka naupan lai ni êngah ka la chêngin ka la awm fo a ni.    – Christian Morgenotern.

Kan nuna thil nuam ber pakhat chu titi hi a ni.     – Rev. Sydney Smith.

Ka tuiêk ral ai chuan ka rim ral zâwk ang.                – George Whitefield.

Kan nihna leh kan thil neih zawng zawngte hi Pathian aṭanga kan hmuh a ni tih kan va theihnghilh rang ṭhin êm! Chuvang chuan khawngaihna thilthlâwn pêk a nihzia hi lawmthu sawina ṭawngṭainaah te, faknaah te leh midang tana thiltihna ah te kan lantir fo tur a ni. Hei hian kan malsawm dawnte hi tur renga ngaihna leh kan phu ve renga ngaihna ata min chhanchhuak dawn a ni.

Kan zinga ṭha lo berah pawh hian ṭha tam tak a awm a; chutiang bawkin a ṭha berah pawh hian a chhia tam tak a awm a. Chuvangin tumah hi lak tlâk lova inchhuah tur chu kan ni lo a ni.

Kan nunah hian thil pahnih lungchhiat thlâk a awm a. Pakhat chu kan thinlung duhzawng kan hmuh lohah hian a ni a, pakhat dang chu kan hmuhah hian a ni leh si a ni.             – George Bernard Shaw.

Kan dik lohna te midang kan hmuh hian ngaimawhawm kan ti ber ṭhin a ni.

Kan lo sual tawhnaa inchhir hi sual tih kan la tumna ai chuan a awl zâwk a ni.         – J.B.

Kan nuna dinhmun engmah hi a nghet lova; kan hlawhtlinna pawh hi a kumhlun hek lo – thudik leh rel diknaa innghat an nih loh chuan.

Khawvela pindan zau ber chu insiam ṭhatna pindan a ni.

Khuanu hian beng pahnih, mi pahnih leh pei pakhat min pe a; a chhan nia lang chu ṭawng aiin kan hmu tamin kan ngaithla tam zawk tur a nih avangin.

Kalphung dik lo siamṭha tura hma la duh lotute hian thisen chhuahna thil danglam thut hi pumpelh theih lohvin an siam ṭhin a ni.        – J.F.K.

Kan thil ei hmun thuma ṭhena hmun khat hian min ti nunga, hmun thuma ṭhena hmun hnih hian daktawrte a ti nung ve thung a ni.                           – W.A. Clarke.

Kan pawikhawih ai mah hian thupzui kan tumna hi ngaihdam a harsa zâwk a ni. – La Rouchefoucauld.

Khawvela pachhiatna ṭha lo ber chu nungchang tlâkchhiatna hi a ni.         – S.N. Brener.

Kan nun hi kan ngaihtuahna leh kan thiltiha kan siam a ni.

Kan thiltih engkimah hian kan tihchhan hian nasa takin thil a tidanglam thei a ni.

Kan nuna thil ṭha ber te chu thil an ni lo.                – Art Buchwald. 

Keimah ang, mi, keimah min tibuai nasatu hi ka la tawng ngai lo a ni.        – D.L. Moody.

Kutdawn chu pawisaah a tlachhe thei ngai lovang.

Khuai, an kâa khawzu nei chuan an mawngah túr an nei a ni.

Kutdawn chu rukrù hmaah pawh a zai thei a ni.

Kan thil tih fo ang chu a ni kan mizia chu a ni. Ṭhat lawrna chu thiltihah a awm lova, awmdan phungah a awm a ni.              – Aristotle.

Kan duhzawng apiang kan tih hian kan duh loh zawng ram kan luah ṭhin.

Khawvel hian mi a hlim dawn chuan khawvel a hawisan a ngai.   – Anatok France.

Kan hmelma huat ber berte hi thurawn ṭha ber ber kan dawnna an ni fo.

Lungkham ṭhat lohna ber chu ding taka ngaihtuah theihna a tihchhiat theihna hi a ni.

Leilung dan kalhmangah chuan lawmman emaw hremna emaw a awm hranpa lova; sawhkhawk erawh a awm a ni.                          – Robert G. Ingersoll.

Lawmna inlawmpuina chuan hlimna a tipung a, lungngaihna inṭawmpuina chuan tawrhna a tinêp a ni.

Leilung dan kalhmang chu hleih nei lova kal tawp mai a ni; anmahniah khawngaihna chhetê pawh a awm lo. Thil awmtirtu leh thil lo awm chu lak hran theih a ni lo. Mei, tui, boruak leh leilungte chuan dawhtheihna reng anmahniah an nei lova; mei chuan a kang ral a, tui chuan a tlâkhlum tir a, boruak chuan a ei ral a, lei chuan a chhilh a ni.           – Longfellow.

Leibat hi inrenna hmelma inthup chu a ni a, thatchhiatna leh chin ṭha lote a hmelma langsar an ni ang hian – leibat hi retheihna unau, a phirpui chu a ni.           – T.T. Munger.

Lehkha thiamna kawngka chu thumal hriat hnem hi a ni.                – Wilson.

Lehkha thiamna chuan mi amah leh amah a inkawm tir a ni.         – Young.

Lu pahnih chu lu pakhat ai chuan a ṭha zâwk thei e; amaherawhchu rilru pahnih nei mi chu an ṭha hauh si lo.

Lehkha thiamna chu kan zir zawng zawng kan theihnghilh hnua la bang chu a ni.                 – George Savile. 

Lehkhabu ṭha lo anga rukru an awm âwm love.                  – Italian-ho Thufing.

Lehkhabu hian kan mi kawp ṭhinte ang bawkin min tichhe thei a ni.          – Henry Fielding.

Lawmna nasa tak chu a ṭap a, lungngaihna nasa tak chu a nui a ni.              – French Thufing.

Lehkhabu ziaktuten boruakah in an sa a; chhiartute chutah chuan an chêng a, lehkhabu chhuahtuten a luah man an tel a ni.                 – Maxim Gorky.

Lehkhabu ṭha lo chu rukhmang sual tak a ni, a chhan chu mi, an hun te, an pawisa te leh an thurin ṭha te a rukbo sak avangin.

Lehkha chhiar hi kan taksa tana insawizawi a ṭha ang bawkin kan rilru tan a ṭha a ni.

Lehkhathiam sanna chu mi thiam awmkhawm hmaa lantir tur a ni a; thiamna nei lote hmaa lantir hi a dik lo a ni. – Tirukhural.

Lehkha zirna chuan lehkha chhiar thiam mi tam tak a chher chhuak a; amaherawhchu chhiar tlak leh tlak lo thliar hrang thei lo te an ni.           – G.M. Trevelyan.

Lawng lian chuan tui thûk a mamawh.

Léi, khawzú anga thlum, thinlung kha si.

Leibat hi retheihna ṭha lo ber a ni.

Leitu chuan mit za a neih a ngai; hralhtu erawh chuan pakhat pawh nei lo mahse a pawi lo.

Lal roreltu chuan chanchin ṭha chu amah ngeiin a puang a, chanchin ṭha lo erawh chu a chhiahhlawhte a puantir ṭhin a ni.                 – Serbia Thufing.

Mi, an dinhmun a awlsam bikna te, an nuna thurin bul nghet an neih aia an ngaihhlut zawk chuan a pahnihin an chan thuai ang.       – D.D. Eisenhower

Mihring hi nung tura lo piang a ni; nung tura inpuahchah tur ni lovin.         – Boris Pasternak.

Mi rilru lian te chuan an thil ngaihtuah an sawi ber a; mi naran chuan thil lo thleng chanchin an sawi a; mi te tê chuan mimal chanchin an sawi ber a ni.

Mi kal muang ka ni nain hnungtawlh zawng chuan ka kal ngai lo a ni.          – Abraham Lincoln.

Mahni inphal dan kan zir a, midangte ngaihdam kan chin a, lawmthu hrilh kan chin chuan hlimna hi kan zawn a ngai lovang a, amah min rawn zawng zâwk ang.              – Joseph Fort Newton.

Mi a thilphal dawn chuan a inren tur a ni.

Mifing ber chu chutianga inngai lo ber chu a ni. 

Mi ṭhenkhat lenna chu tualchhungah mai a ni. An kawm ṭhinte an tet vanga lian mai an ni.

Mahni inhriat hi mahni ṭhanna bul a ni.   – Spanish Thufing.

Mi tam zawk chuan an nun hun hmasa chu a hnuhnung tih hrehawm nan an hmang a ni.               – La Bruyere.

Mi a thinlunga thil ngaihtuah ching  ngai lo chuan a nuna thil nuam ber chu a chan a ni.    – Edison.

Mi zawhna zawt ngam lo chuan hriatna a zahpui a ni.       – Danish Thufing.

Mifingte chuan lehkhabu leh nun hi an chhiar a ni.            – Lin Yutang.

Mi i fak dawn chuan tunge a nih ngaihtuah suh. Amaherawhchu i dem dawn a nih chuan fimkhur hle ang che.

Mi tin hi thil hrang hrangah chauh a ni an lo mawi  ni.       – Will Rogers.

Mi, a thei chuan a ti a; a thei lo chuan a zirtir.       – George Bernard Shaw.

Mi tam zawk chuan an ngaihtuah chian loh avangin a ni fakin thu an sawi thei lo a ni.        – Samuel Johnson.

Mihring hlutna tak tak chu a thiltih tumte a bawhzui dan aṭanga teh tur a ni.

Mi rilru liante chuan tumruhna an nei a; mi rilru tê te chuan duhna chauh an nei a ni.        – China Thufing.

Mi ngaihdan hnialtu chu a fing a;  thudik awmsa hnialtu erawh chu a â a ni.           – Frank A. Garbutt.

Mi hlawhtling ni lovin mi hlutna nei nih tum zawk rawh.

Mi ngaihtuahna hmang ṭhin chuan engmah hi hmantlâk loh dêrah an ruat ngai lo.              – La Fontaine.

Mi tin hian thil lian tih hlawhtlin hi kan tum ṭheuh va; amaherawhchu nun hi thil te tak tê tê in a siam a ni tih kan hre si lo a ni.                 – F.A. Clark.

Mi ṭhenkhat tena an nun kawnga rah lawh tur an hmuh laiin a dangte erawh chuan a sawhkhawk an dawng thung a ni.  – E.Stanley Jones.

Mi, hmangaihnaa a tlûk lai te, zu a ruih lai te leh dinhmun chan tuma a chuh lai tea a thusawi reng reng a mawhpuh tum chu thil sawt lo a ni.                 – E. Birdsong.

Mifing chuan tumah a el lova; chuvang chuan tumahin an el thei lo a ni.  – Leo Tse.

Mi ṭhu mai mai vanneihna chu a ṭhu mai mai a; a thawh chuan a tho va, a mut chuan a mu a, a chet chuan a chê a ni.

Mifingte duhthusam chu remna leh muanna a ni a. Mihring chanchin erawh chu indonaa khat a ni.           – Richard Burton.

Mi ṭha ni ringawt suh; eng emaw atana ṭha ni rawh.          – Henry David Thoreau.

Mifingte hausakna tak tak chu he khawvela thil ṭha a tih chu a ni.

Mihring hian thudik ṭan leh humhim aia tihtur ropui a nei lo.

Miin phûrna chintawk nei lova thila tih phawt chuan a thiltihah a hlawhtling thei vek a ni.               – Charles Schwab.

Mite aṭanga duh i neih loh chauhvin an chungchangah ngaihdan dik leh dang tak chu i siam thei ang.         – Gotfried Keller.

Mi tin hi an ṭhatna lai ber chauh rin ka duh fo zawk – a chhan chu, chu chuan buaina tam tak min pumpelh tir a ni.                – Rudyard Kipling.

Mihring pumpui hi chi thuma ṭhen an ni a – a chêta che châng hauh lo te, che châng thei te leh che châng tein.    – Benjamin Franklin.

Midanga i duh loh ang chu nangmahah i siam ṭha ngei tur a ni.

Mihringte hian kan inlungrualna zawk hi kan inlungrual lohna ai hian ngai pawimawh zawk ta ilang chuan khawvelah hian inlainat lohna leh thinrimna hi nasa takin a tlem phah ngei ang.   – Addison. 

Mi daw thei chuan dawt thu chu thudik anga lantir a tum phawt a, a tawpah thudik pawh dawt thu anga lantir a tum tawh ṭhin.       – Chestone.

Mihringte chuan hma an sawn zel a; mihring erawh chu a ngai reng a ni.                  – Goethe.

Mihringte chuan hma an sawn zel a; mihring erawh chu a ngai reng a ni.                 – Goethe.

Mahni inthununna kawnga penna hmasa ber tur chu ngaihtuahna thunun a ni. Mihring hriselna tichhetu chu thununnaah ni lovin a langa khapbehna zawkah a awm a ni.       – M.K. Gandhi.

Mi tlemtê chauhvin sawrkara kan bat nasatzia hi an hria;  a chhan chu sawrkar hi awm ta lo se mihringte retheih turzia chu mi tlemtê chauhvin an suangtuah thei a ni.           – Addison.

Mite hi a chang changin thudikah an inpal tlu ṭhin a. Amaherawhchu a tam zawk chu an tho leh a, engmah pal lo angin hmanhmawh takin an kal leh ta nal nal ṭhin a ni.                 – Winston Churchill.

Muanna hian indona ina hnehna a chan aia ropui lo bik chuang lo chu a chang a ni.            – Milton.

Mahni intihhmelhem hi mahnia dingchhuak aiin an tam zawk.      – Arnold Glaslow.

Mi zauthau nasa tak nei chu ram sakawr chunga chuang ang a ni.               – Pioneer Preverb.

Midangte inngaihsantir tumna hian a letlingin a thawk zâwk fo. – Malcolm Forbes.

Mi hriselna nei chuan beiseina a nei a, mi beiseina nei chuan engkim a nei a ni.   – Arabian Thufing.

Mi ṭha lo chanchin a ṭha lai sawi chu mi ṭha chanchin a chhe lai sawi aiin a ṭha zâwk a ni.

Mi tina ṭha i hmuh chuan mi tin deuhthawin nangmahah ṭha an hmu ve ang.

Midangte ngilneihna chu hre reng la, nangma ngilneihna erawh chu theihnghilh rawh.

Mi tin hian khawvel siamṭha tur hian tihtheih kan nei ṭheuhva; chu chu mahni insiamṭhat hi a ni. 

Mahni kan intheihnghilh hian a ni thil hriat reng tlâk kan tih ni.

Mihring mizia awlsam taka i hriat theihna chu midang atana engmah tihsak thei lo turte a endanah a ni ang.          – J.D.M.

Mi chi hnih, dan naranin, politics-ah an hlawhtling ber a; mi thurin nghet nei lo, amaherawh chamkal bikna riau nei leh mi chem kalna bik engmah nei lo, thurin nghet tak nei, chu chu hotute thu a kil akawia awih tlut mai; chungte chu an ni.       – Wendell Phillips.

Mite hlutna hi an zir thiamnaah kan en mai tur a ni lo; an thiamna an hman ṭangkai danah a ni zawk tur a ni.          – Cherron.

Miten an sualna an ngainat rualin an haw bawk a ni.        – Seneca.

Mitin a nun chhan a hriat chuan nundan kawng chu a hre thei zel dawn a ni.          – Nietzsche.

Midang tihdan entawn hi ṭhahnemngai taka infak derna a ni.

Mihring hi khawvel lal in kawngkhar luhna a lo lut ve satliah mai a ni lova; mikhual a sawma sàwm, a lo tel vena ina lal ruaiṭheh awmzia a neihna tura a tel ve ngei ngei ngai chu a ni.      – Tagore.

Mi tin hi mahni vanneihna siamtu kan ni.               – Tatter.

Mi ṭi chuan hlauhawm awm hma hauhin a hlauva, mi dawihzep chuan hlauhawm awm laiin a hlauva, mi huaisen chuan a hnuah a hlau chauh a ni.               – Richter.

Mi hnathawk nasa chu dan naranin an rinawm a. a chhan chu taimaknain thlemna chungah a chawikan avangin.                 – Bovee.

Mi a pawimawhzia tihlan tum chuan eng a nih lohzia a tilang zawk a ni.    – Lavater.

Mifing leh taima chuan harsatna hi an hmachhawn ngam avangin an hneh ṭhin a ni.          – Rowe.

Mi a dik pawha ngawihna chang hria chuan Pathian a ang teuh ber a ni. – CARO.

Midang dinhmuna kan indah hian an dinhmuna dah duhna kan neih tlem phah ṭhin a ni.                – E.D.

Mi nghah peihna nei lo chuan vawi hnih a nghâk a ni.      – M.M.

Mi lalah ka siam thei a, nimahsela Pathian chauhvin pa zahawm a siam thei a ni.                 – Cromwell. 

Mihring nun hi vanneihna hian rilru fim hman ain a thunun nasa zâwk a ni.            – Hume.

Mi tupawh leilung chuina (science) a tih tak zeta a inhnamhnawih chuan lei leh van chhunga dan awmahte hian dan thiltithei awm ngeiin a hre lo thei lovang. chu dan thiltithei chu mihringte aia nasa taka chungnung zawk a bula keini mihringte chu kan thiltihtheihna neih ve te nen pawh hian kan inngaihniam lo thei lo a ni.             – Albert Einstein.

Mipui thlan sawrkar (Republic) chu nawmsak bawlna avangin a chhia a, lal nei sawrkar erawh chu pachhiatna avangin a chhia.    – Plutarch.

Mihring sualnate chu midangte nena inpawhna daidangtu bang a ni a, a ṭhatnate erawh chu kawngkhar mite lo luhna chu a ni.           – Vinoba Bhave.

Mahni chak lohna hria chuan midangte chak lohna sawisel an tum lovang.             – Sadi.

Miin a tir atanga chiangsaa inngaia a ṭan chuan rinhlelhna-in a tawp ang a; nimahsela, a tir aṭanga rinhlelhna nen a ṭan chuan chiannain a tawp thung ang.       – Francis Bacon.

Midangte i duh anga i awmtir theih loh avangin thinrim duh suh; nangmah ngei pawh i duh thu angin i awm thei bik hleinem!              – Thomas A. Kempis.

Mi suangtuahna nei lo chu sava thla nei lo ang a ni.           – Wilhem Raake.

Mi tam tak chuan mipui rorel (democracy) hi an ngaina a, amaherawhchu humhim dan erawh an hre lo. Mipui rorel chu ṭhian thahrui nei leh chakah ngai lovin hmeichhe hmelṭha nalh tak angah an ngai zawk a ni.          – Andrei Vishinsky.

Midang kokia chuang chuan khawpui la hlat leh hlat loh a ngaihtuah lo.

Midang tuemaw aia san zawknaah hian thil ropui engmah a awm lo. Ropuina tak tak chu mahni nihna hmasa aia san zawknaah khan a awm a ni.         – Hindu Thufing.

Mi tumah hi ka hre kim chang khawp mai ti ngai suh – rochan in insem hma loh chuan …                 – Johan Kasper Lavern.

Mi, thuruk nei chuan, a zep tur chauh ni lovin zep tur a nih zia pawh a zep tur a ni.             – Thomas Caryle.

Miten a chhe zawnga hriat lar nih hi hmingthanna emaw an ti a; chuvang chuan an thilsual tih leh thil dik lo tih avanga mite hriat hlawh chu hriat hauh loh nih ai chuan an duh ṭhin a ni.          – Harry Truman.  

Mi ṭhenkhat chuan vanneihna zawng zawng an khum a, nimahsela, vanneihna ringawta innghat chu an ni hauh si lo a ni.

Mi pakhatah ṭhatna tinreng zawng suh.                 – Confucius.

Mi fing ber thluakah pawh hian âtna kil khat a awm a ni.                – Aristotle.

Mi, lal a ni emaw kut hnathawk a ni emaw ama inchhungkhura muanna hmu chu a hlim ber a ni.

Mi, a rilru puahchah ṭhatu chuan harsat hunin a beisei a, hmuingil hunin a hlauthawng a ni.

Mi tupawhin an tisual thei; amaherawhchu mi â chauhvin a tisual leh ṭhin a ni.    – Cicero

Mi a chênna hmun chhuang hmuh ka duh; chutiang bawkin mi a nundan avanga a chênna hmunin a chhuan chu hmuh ka duh a ni.               – Abraham Lincoln.

Miin a thiltih turah chintawk a neih chuan a thiltihtheihna turah pawh chintawk a dah tihna a ni.                 – George Matthew Adams.

Mi zakthei lo chu a hmaiah chil chhâk mah la, ruah a sur a ni maw a tih khum ang che.

Mi mahni aia fing lo zawka kan ngaih hriatthiamna erawh nei ṭha zawkte anga kan ngaimawh hi an awm awm love.           – Don Harold.

Mi tinin an thiam zawng tak chauh leh an tlin ber chauh thil dang ti hauh lova an tih ṭheuh hunah thil tam zawk hi ṭha zawk leh awlsam zawka tihpuitlin a ni tawh ang.            – Plato.

Mifing chu a fin luattukna lamah mi â-ah a insiam.             – Emerson.

Misual apiang hian lukhum dum khum vek mai se, khawvel hi a awlsam awm mang e!

Misualte ngaihdam hi mi ṭhate hrem tluk a ni. https://ekhai.com

Mihring hi a chunga thiltithei hauh lo laka a chetzia aṭangin a mizia i hrechiang thei ang.   – J.D.A.

Mihring hi tlachhe ngai miah lo se Pathian a ni ngawt ang. Dinchhuah tumna nei lo se ramsa chiah a ni ang.                            – Mackenzie King.

Mifing hian mawhphurhna leh mahni tan a nih avanga phûrna chauhin hlawhtlinna a siam ṭhin tih a ni ber.

Mi ropui kan ni vek thei dawn lo; amaherawhchu thil ropuiah kan inhnamhnawih thei vek a ni.   – Harry Emerson Posdic.

Mi lungawi lo chuan midang hnenah lungawina a pe thei ngai lo. https://ekhai.com

Comments